MILLIY TA’LIMNI RIVOJLANTIRISHNING INTEGRATIV MODELI: RAQAMLI TRANSFORMATSIYA VA MADANIY IDENTIKLIK UYG‘UNLIGI

Abstract

Maqolada milliy ta’limni rivojlantirishning integrativ modeli raqamli transformatsiya va madaniy identiklik uyg‘unligi nuqtai nazaridan ijtimoiy-falsafiy jihatdan tahlil qilinadi. Tadqiqotning maqsadi milliy ta’limni rivojlantirishda raqamli texnologiyalar, global ilmiy yutuqlar va milliy qadriyatlar o‘rtasidagi muvozanatni ta’minlaydigan konseptual modelni asoslashdan iborat. Tadqiqotda tizimli yondashuv, qiyosiy tahlil, aksiologik yondashuv va kontent-analiz usullari qo‘llanildi. Natijada milliy ta’limning integrativ modeli tarixiy xotira, madaniy o‘zlik, tanqidiy tafakkur, raqamli kompetensiya va axloqiy javobgarlikning uyg‘un tizimi sifatida tavsiflandi. Xulosa sifatida ta’limni rivojlantirishda tashqi raqamli innovatsiyalarni to‘g‘ridan-to‘g‘ri qabul qilish emas, balki ularni milliy madaniy muhit va aksiologik tamoyillar bilan integratsiyalash zarurligi asoslandi.